يا جماعة انا جوزي عاملي فيها جبل شيخ الجبل ... جوزي الله يهدي اشترى كل الألوان من فروة شيخ الجبل و ليل نهار لابسهم وبيتمشى بالحارة و بين الزقايق و بدور ع المشاكل و طبعا طالع بموال جديد بدو يشتغل بمصنع لبن و كل ما يشوف السيارات يلي بوزعو لبن بتعربش فيهم و بصير قال يحكي للموزع افتح الصندوق بدي اتاكد من الحمولة
و قال جايب حارس يحرس بيتنا و هديك المرة خبزو كف فتلو فتل قال في رجل غريبة بتحوم حولين البيت
وقال كل ما يشوفني طالعة اشتري اغراض بيحكيلي وين رايحة و في كتيبة برا عزا يا جماعة اي كتيبة كلو ع بعضو حارس فقير وماعم يعطيه مصاري حتى
و في عندو ولاد عم صرلو عشرين سنة مابيحكي معهم وهمم ساكنين بمحافظة تانية قال صار بدو يتواصل معهم و يضمهم لفريقو قال هدول من دمي و لحمي و ما بتركهم للغريب فرررج
طبعا صعب اتطلق لأنو أخوي يلي عند اهلي عامل حالو صخر يعني راح اهرب من جبل و اروح عند صخر
شو الحل برأيكم ؟
ملحوظة: يمكن لأعضاء المدونة فقط إرسال تعليق.